Əfsanəvi futbolçu keçirilmiş matçların sayına görə Almaniya yığmasının rekordçusu Lotar Matteus Dünya Çempionatının 1/4 finalında milli komandasının nəyin hesabına argentinalıları darmadağın edə bilməsi haqqında danışıb.
- Bu turnirdə futbolçulardan kimsə sizdə təəssürat yarada bildi?
- Bəzi oyunçulardan biz gözləyirdik ki, onlar bombardir yarışına başçılıq edəcək: söhbət, məsələn, Qonsalo İquain və David Vilyadan gedir. Lakin heç kəs cəmi bir il əvvəl yaşlılar arasında futbolda görünən Tomas Müllerdən belə parlaq futbol gözləmirdi. Mən təkcə onun qollarına valeh olmamışam, həm də onun qapını hədəfə almasına və sürətinə də valehəm. Mülleri və Almaniya yığmasının bəzi digər oyunçularını parlaq gələcək gözləyir.
- Bütövlükdə siz Yoahim Lövin çıxışlarını necə dəyərləndirirsiniz?
- Komanda çox gözəl futbol nümayiş etdirir. Biz şübhə etmirdik ki, onlar 1/4 finalda oynayacaqlar, lakin fikirləşmirdik ki, yığma öz gücünə görə Dünya Kubokuna sahib ola bilər. Komanda çox gəncdir, onun turnir təcrübəsi çatışmır, lakin digər tərəfdən, bu çempionatın nəticəsini qabaqcadan demək mümkün deyil. İndi biz diqqətimizi meydana yönəltməli, hücum etməliyik. Lövin komandası üçün itirilməli heç nə qalmayıb, çünki gözləntilər artıq özünü doğruldub. Ona görə də hər növbəti qələbə əlavə bonus əldə etməyə imkan yaradır. CAR-da hələ yenicə öyrənməyə başlayan gələcəyin komandası yaranır.
- Turnir ərəfəsində komandanın kapitan itikisinə baxmayaraq, bu cür parlaq oyununu nə ilə izah edə bilərsiniz?
- Mən səmimi olaraq Mixail Ballak itkisindən çox məyusam, lakin deməliyəm ki, onun olmaması Almaniya yığmasına kömək etdi. Və bu qərəzli sözlər deyil. Ballaka görə indi parlayan bəzi oyunçuları əsas heyətdən kənarda saxlayırdılar. Özü də bu oyunçuların heyətə daxil edilməməsi üçün əvvəllər verilmiş qərar mübahisəyə səbəb olmuşdu. İndi isə yığmanın hər bir gənc futbolçusunun üzərinə böyük məsuliyyət düşür.
- Nəyin hesabına Argentina yığmasına qalib gəlmək mümkün oldu?
- Argentinalılar daha güclü fərdi oyunçulara malikdir, lakin Almaniya yığması bir komanda kimi daha güclüdür. Ona görə də intriqa kimin qalib gəlməsi üzərinə cəmlənmişdi: güclü komanda və ya oyunçuların ustalığı öz sözünü deməli idi. Almaniyada isə komanda ruhu daha güclüdür.
- Yoahim Löv və Dieqo Maradona - tam müxtəlif adamlar və məşqçilərdir, razısınızmı?
- Lövün kifayət qədər daha çox təcrübəsi var. O, komandaya qələbə tonu verə bilir. Yoahim bu komanda üçün hər bir oyunçunu özü müstəqil şəkildə seçib, oyunu modellərşdirib. Məhz o, gənclərə öz gücünə inamı aşılayıb və onu əmin edib ki, onlar Lövün üstünlük verdiyi futbolu oynayırlar. Maradona haqqında təfsilatı ilə heç nə deyə bilmərəm. O, məşqçilik fəaliyyəti ilə heç də çoxdan məşğul olmur. Heç bir şübhə olmadan demək olar ki, o, oyunun qurulmasında ona kömək edən təcrübəli oyunçular və məşqçilərlə əhatə olunub. Löv qərarı özü qəbul edir. Maradona isə öz qərargahının köməyinə arxalanır.
- Bəs kim Dünya Çempionatının qalibi olacaq?
- Yaxşı olardı ki, Dünya Kubokunu Almaniya və İspaniya yığmalarının olduqları şəbəkədən olan komanda əldə edə idi, çünki onların finala gedən yolu hollandiyalıların qət etdiyi yoldan kifayət qədər çətin olub.