"Qarabağ" daha bir "İnter"li futbolçunu heyətə cəlb etdi. Bir müddət əvvəl Ağdam təmsilçisinin latviyalı yarımmüdafiəçi Andrey Rubini transfer istəyi baş tutmamışdı. Onun "İnter"lə müqaviləsi bitmədiyi üçün paytaxt klubunun bu keçidə icazə vermədiyi məlum olmuşdu. Aldığımız xəbərə görə, artıq latviyalı "Qarabağ"la 2 illik müqaviləyə imza atıb. Hazırda yarmmüdafiəçi "Qarabağ"ın heyətində məşqlərə başlayıb. Futbolçunun Avropa Liqasının birinci təsnifat mərhələsində Makedoniyanın "Metallurq" klubuna qarşı rəqib meydanda keçiriləcək cavab qarşılaşmasında iştirak etməyəcəyi də məlumdur. 31 yaşlı Rubin Makedoniyaya aparılmayacaq. Bundan əvvəl "İnter"in müdafiəçi Samir Abbasovu transfer edən ağdamlıların yeni legionerə görə nə qədər xərcə düşdüyü açıqlanmır.