Nəhayət, bütün dünyanın böyük səbirsizliklə gözlədiyi məqam yetişmək üzrədir. Kimlərisə sevindirən, kimlərisə təəccübləndirən, kimlərisə məyus edən 19-cu dünya çempionatı artıq sona yaxınlaşır. İlk dəfə "qara qitə"də - Cənubi Afrika Respublikasındja təşkil edilən mundial yeni dünya çempionu ilə yadda qalacaq. Tarixində ilk dəfə qızıl medalları qazanmağa yaxın olan Niderland və İspaniya yığmalarının qarşıdurmasında sayca 8-ci çempionun kimliyinə aydınlıq gətiriləcək.
   Bizi hələlik bu gün baş tutacaq 3-yer uğrunda görüş gözləyir. Meydana çıxacaq Uruqvay və Almaniya milliləri bürünc medalların sahibini müəyyən edəcəklər.
   Sabah isə CAR-ın paytaxtı Yohannesburqda yerləşən, təxminən 95 min azarkeş tutumuna malik "Sokker Siti"də yeni dünya çempionu məlum olacaq.
   DÇ-2010
   3-cü yer uğrunda
   10 iyul. Port Elizabet
   Uruqvay - Almaniya
   Stadion: "Nelson Mandela Bay"
   Baş hakim: Benito Arçundiya (Meksika)
   Başlanma saatı: 23:30
   Final
   11 iyul. Yohannesburq
   Niderland - İspaniya
   Stadion: "Sokker Siti"
   Baş hakim: Houard Uebb (İngiltərə)
   Başlanma saatı: 23:30
   

Srağagün UEFA Avropa Liqasında 2010/2011-ci illər mövsümü üçün 3-cü təsnifat mərhələsinə yekun vuruldu. Ötən həftə start götürən bu mərhələnin cavab görüşlərindən sonra ikinci mərhələyə vəsiqə qazanan bütün kollektivlərin adları məlum oldu. Təmsilçilərimizdən iki klub - "Xəzər-Lənkəran"la "Qarabağ"ın mübarizəyə qoşulduğu mərhələ yalnız ikincilər üçün uğurlu alındı. Cənub bölgəsinin kollektivi cavab matçına doğma publika önündə çıxsa da, ümidləri doğrultmadı. Əksinə, qarşıya qoyulan minimal tapşırığın öhdəsindən ötən həftə Bakıda gələn Ağdam təmsilçisi isə səfərdə də məğlub olmadı.
   
   Avroliqa. I təsnifat mərhələsi.
   Cavab oyunları
   Metallurq (Makedoniya) - QARABAĞ (AZƏRBAYCAN) 1:1
   (İlk oyun - 1:4)
   Banants (Ermənistan) - Anortosis (Kipr) 0:1
   (İlk oyun - 0:3)
   Tauras (Litva) - Llanelli (Uels) 3:2 (əlavə vaxt)
   (İlk oyun - 2:2)
   Moqren (Çernoqoriya) - UE Santa Koloma (Andorra) 2:0
   (İlyu oyun 3:0)
   Slima Uonderers (Malta) - Sibenik (Xorvatiya) 0:3
   (İlk oyun - 0:0)
   Flora (Estoniya) - Dinamo (Tiflis, Gürcüstan) 0:0
   (İlk oyun 1:2)
   XƏZƏR-LƏNKƏRAN (AZƏRBAYCAN) - Olimpiya (Moldova) 1:1
   (İlk oyun - 0:0)
   Bney Yehuda (İsrail) - Ulisse (Ermənistan) 1:0
   (İlk oyun - 0:0)
   Dnepr (Belarus) - Laçi (Albaniya) 7:1
   (İlk oyun - 1:1)
   Skonto (Latviya) - Portadaun (Şimali İrlandiya) 0:1
   (İlk oyun - 1:1)
   MüPA (Finlandiya) - Trans (Estoniya) 5:0
   (İlk oyun 2:0)
   Daçiya (Moldova) - Zeta (Çernoqoriya) 0:0
   (İlk oyun - 1:1)
   Dudelanj (Lüksemburq) - Randers (Danimarka) 2:1
   (İlk oyun - 1:6)
   Qyor (Macarıstan) - Nitra (Slovakiya) 3:1
   (İlk oyun - 2:2)
   Gefle (İsveç) - Runavik (Farer adaları) 2:1
   (İlk oyun - 0:2)
   Zalaegerseq (Macarıstan) - Tirana (Albaniya) 0:1
   (İlk oyun - 0:0)
   Lusitanos (Andorra) - Rabotniçki (Makedoniya) 0:6
   (İlk oyun - 0:5)
   Talbot Taun (Uels) - Turku (Finlandiya) 0:4
   (İlk oyun - 1:3)
   Zrinski (Bosniya və Herseqovina) - Tobol (Qazaxıstan) 2:1
   (İlk oyun - 2:1)
   Dandalk (İrlandiya) - Qrevenmaher (Lüksemburq) 2:1
   (İlk oyun - 3:3)
   Streymur (Farerlər) - Kalmar (İsveç) 0:3
   (İlk oyun - 0:1)
   Faetano (San-Marino) - Zestafoni (Gürcüstan) 0:0
   (İlk oyun - 0:5)
   
   Qlentoran (Şimali İrlandiya) - Reykyavik (İslandiya) 2:2
   (İlk oyun - 0:3)
   Rux (Polşa) - Şaxtyor (Qazaxıstan) 1:0
   (İlk oyun - 2:1)
   Şiroki Briyeq (Bosniya və Herseqovina) - Olimpiya (Sloveniya) 3:0
   (İlk oyun - 2:0)
   Falkirk (İslandiya) - Torpedo (Belarus) 1:3
   (İlk oyun 0:3)

"Çelsi"nin ulduz futbolçusu Deku karyerasını Braziliya A Seriyasında davam etdirə bilər. Bu barədə təcrübəli futbolçu özü açıqlamasında bildirib. Portuqaliya yığmasının yarımüdafiəçisi "Çelsi" ilə müqaviləsi pozulacağı halda Braziliyanın "Fluminenese" klubuna keçəcəyini deyib. Ötən mövsüm "Çelsi"nin əsas heyətinə düşməkdə çətinlik çəkən 32 yaşlı futbolçu Braziliyaya dönmək niyyətində olduğunu və komandadan ayrılmaq üçün anlaşmasının pozulmasını gözlədiyini bildirib. "Əgər "Çelsi" getməyimə icazə versə, "Fluminense"yə verilmiş bir sözüm var. Amma hələ ki, ilkin müqavilə imzalamamışam. Londonda karyeram bitdikdə Braziliyaya gedəcəm", deyə futbolçu "Daily Star" açıqlamasında qeyd edib. Qeyd edək ki, 1996-1997 mövsümündə Braziliyada "Korintians"ın formasını geyinən Deku 1997-ci ildə "Benfika"ya transfer olunub. 1997-1998 mövmündə Portuqaliyanın "Alverka", sonrakı mövsümdə "Salqueyros" klublarına icarəyə verilib. 1999-2004-cü illərdə "Portu"nun şərəfini qoruyan futbolçu 2004-2008-ci illərdə "Barselona"nın formasını geyindikdən sonra - 2008-də "Çelsi"yə transfer olunub. İndiyədək London klubunda 43 oyun keçirib və 5 qol vurub. 75 dəfə formasını geyindiyi Portuqaliya yığmasında 5 qola imza atan Deku "Portu" ilə 4 dəfə Portuqaliya çempionatının, 3 dəfə kubokun, 3 dəfə də Super Kubokun qalibi olub. 2003-cü ildə UEFA Kubokunu başı üzərinə qatldıran futbolçu bir il sonra Çempionlar Liqasında enyi uğuru təkrarlayıb. "Barselona"nın heyətində iki dəfə İspaniya çempionu və iki dəfə Super Kubokunu qazanan Deku 2006-cı ildə ikinci dəfə Çempionlar Kubokunu başı üzərinə qaldırıb. Son klubu "Çelsi"də isə Premyer Liqanın və "FA Cup"un qalibi adını qazanıb.

İngiltərə təmsilçisi "Uest Hem" rəhbərliyi heyətini Almaniya yığmasının hücumçusu Miroslav Kloze ilə gücləndirmək fikrindədir. Məlumata əsasən, London təmsilçisi son zamanlar "Bavariya"nın start heyətinə düşməkdə çətinlik çəkən 32 yaşlı hücumçunu pulsuz almaq istəyirlər. Kloze CAR-da keçirilən dünya çempionatında uğurlu oyunu sayəsində 4 qol vurub. Bununla, Polşa əsilli futbolçu mundial tarixində artıq 14 dəfə rəqib qapısına yol tapıb. O, bu göstəricidə braziliyalı həmkarı Ronaldonun (15 qol) nailiyyətinə çox yaxınlaşıb.

"Bu, əla və qeyri-adi oyun idi. Mən bütün futbolçularımı təbrik etməliyəm. Onlar həm müdafiə, həm də hücumda möhtəşəm idilər. Azarkeşlərimiz əla dəstəyə görə sağ olsunlar". Apasport.az saytının məlumatına görə, bu fikirləri DÇ-2010-in ikinci finalçısı olan İspaniya yığmasının baş məşqçisi Visente del Boske deyib. Yarımfinalda Almaniya yığması kimi güclü rəqibi yenən (1:0) ispanlar tarixlərində ilk dəfə mindialın finalına çıxdılar. Bundestim üzərində qələbədən heyran qalan del Boske yarımmüdafiəni xüsusilə qiymətləndirib: "Komandanın uğurunun əsası həmişə orta sahənin keyfiyyəti ilə qoyulur. Əgər orda hər şey qaydasındadırsa, onda futbolçulara öz ustalıq səviyyələrini göstərmək asan olur. Komandamızda əla ifaçılar cəmləşib. Yaxşı ehtiyat qüvvəmiz var. Bütün bunlar həyatımızı əməlli asanlaşdırır. Mən gənc insanlar qrupuna rəhbərlik edirəm. Onları futbolda artıq kifayət qədər təcrübəli adlandırmaq olar. Biz oyunun təşkilinin, görüş boyu topa nəzarətin yaxşı üsullarını axtarırıq. Futbolçularımız bu işi sadəcə, möhtəşəm görürlər". İndi İspaniyanı iyulun 11-də Niderland yığması ilə final oyunu gözləyir. Təcrübəli mütəxəssis rəqibə hörmət etdiklərini bildirib: "Onlar Niderland futbolunun əla məktəbini təmsil edirlər. Ümid edirəm ki, biz həmin görüşə optimal taktika tapa biləcək, topla düzgün davranacağıq".

UEFA prezidenti Mişel Platini Uruqvay yığmasının dünya çempionu olmasını istəmirmiş. Məlumata əsasən, qitə futbol qurumunun başçısı mundialın yarımfinal iştirakçılarına uğurlar arzulayarkən, Cənubi Amerikanın yeganə təmsilçisinin adını çəkməyib: "Mən Avropanın hər üç təmsilçisinə uğurlar arzulayıram. Qoy, güclü qalib gəlsin". Uruqvay da dünya kubokunun iddiaçıları arasında olsa da, Platini bu komanda haqda bir kəlmə belə işlətməyib. Bununla, əfsanəvi futbolçu ayrı-seçkilik edərək, təmsil etdiyi qitənin iştirakçısının çempion olmasını istəyib.