İndiyədək bütün dünya çempionatlarında iştirak etmiş tək komanda Braziliya millisidir. 19 mundialın iştirakçısı olan Braziliya 5 dəfə çempion titulunu qazanıb ki, bu rekordu hansısa yığmanın təkrarlayacağı asan görünmür. 1958-ci il mundialında Fransa millisinin hücumçusu Jyust Fontenin rekordunu isə yəqin ki, heç vaxt təkrarlayan olmayacaq. O, Dünya Çempionatı tarixində bir mundialda 13 qol vuran yeganə futbolçudur. Təkrarlaması çətin görünən daha bir rekorda imza atan isə 1994-cü il çempionatında Rusiya millisinin heyətində 1 matçda 5 qol vurmuş Oleq Salankodur. Dünya futbolunun kralı adlandırılan Pele 3 qat dünya çempionudur. Bu da çoxları üçün əlçatmaz görünən nəticədir. 1930-cu ildə Argentina, 1934-cü ildə isə İtaliya millisinin oyunçusu kimi mundialda iştirak etmiş Luis Montinin bu göstəricisini heç kimin təkrarlamayacağı lap dəqiqdir. Çünki indi buna icazə yoxdur. Mundial tarixində heç kimin təkrarlamaq arzusunda olmadığı "rekord"lar da var. Məsələn, Niderlandlı Erni Brandts 1978-ci il çempionatında İtaliya ilə qarşılaşmada 2 qol vurub. Amma birini öz, digərini rəqib qapısına. İndiyədək DÇ tarixində ən az tamaşaçının izlədiyi matç Rumıniya ilə Peru arasında keçirilib. 1930-cu il mundialında baş tutmuş bu qarşılaşma zamanı stadionda cəmi 300 tamaşaçı olub. İndi hər hansı oyun zamanı meydanın kənarına düzülmüş polsilərin sayı belə, bundan artıqdır. 1950-ci ildə isə Brazilyanın məşhur "Marakana" stadionunda meydan sahibləri ilə Uruqvay arasında keçirilən qarşılaşmanı düz 199 850 min nəfər izləyib. Bu, mütləq rekord sayılır. Ən azı ona görə, ki, indi əfsanəvi "Marakana" cəmi 95 min tutumludur. 200 min tamaşaçı tutumlu stadion isə daha dünyanın heç bir ölkəsində yoxdur.

Dünya çempionatında qalibi müəyyən edən qolun müəllifi - Andres İnyesta finalın yeganə qolunu mərhum həmkarına həsr edib. Niderland - İspaniya matçında ispanları zəfərə aparan qola imza atan İnyestanın onu 2009-cu ildə vəfat edən Daniel Xarke həsr etdiyi məlum olub. Qeyd edək ki, 2009-2010 mövsümünə İtadiyada hazırlaşan "Espanyol"un oyunçusu Daniel Yarque oteldəki otağında ölü tapılmışdı. Araşdırma zamanı kapitanın infraktdan öldüyü aşkara çıxmışdı. Danieli unutmayan İnyesta qoldan sonra formasını çıxardı və "Dani Jarque siempre con nosotros" (Dani Yarque hər zaman bizimlə) yazısını nümayiş etdirdi.
   Qeyd edək ki, İnyesta və Yarque İspaniyanın U-17, U-19, U-20 və U-21 komandalarında birlikdə oynayıblar.

"Bizim Niderland üzərində qələbəmiz tam ədalətli idi. Söhbət bunun təkcə idman tərəfindən getmir". Apasport.az saytının məlumatına görə, bu sözləri İspaniya milli komandasının baş məşqçisi Visente del Boske deyib. Dünya çempionatının final oyununda Niderland üzərində 1:0 hesablı qələbə qazanan pireneylilərin çalışdırıcısı qarşılaşma haqqında fikirlərini açıqlayıb: "Konkret finala gəlincə, Fabreqasın meydana çıxması hücumlarımızın gücünü artırdı. Niderland yığması yaxşı oyun göstərdi və müəyyən mənada əl-qolumuzu bağlaya bildi. Rəqib gərgin keçən matçda bizə xeyli problem yarada bildi". Del Boske yetirmələrindən razı qaldığını da bildirib: "Bizim dünya çempionatında qələbəmiz hücum futbolunun təntənəsidir. Sərəncamımda fantastik futbolçular var. Təbii ki, onlarla fəxr edirəm. Biz daha 1-2 qol da vura bilərdik".

Azərbaycanlı azarkeşlərə yaxşı tanış olan Norveçin məşhur "Rusenborq" klubunun futbolçusu Roar Strand dünya rekordu müəyyənləşdirib. 40 yaşlı norveçli veteran yarımmüdafiəçi ölkə çempionatında vurduğu qolla dünya futbolu tarixində ardıcıl 21 milli birincilikdə rəqib qapısına yol tapan ilk futbolçu olub. Bununla da Strand "Mançester Yunayted"in əfsanəvi futbolçusu Rayan Giqqzin rekordunu qırıb. Yığmamıza qol vuran 37 yaşlı uelsli futbolçu İngiltərədə dalbadal 20 çempionatdır qol vurur. 1989-cu ildən "Rusenborq"da oynayan Roar 600-dan artıq oyun keçirib.

Məşhur fransalı futbolçu Tyeri Anrinin çıxış edəcəyi komanda müəyyənləşib. Məlumata görə, son üç ildə oynadığı "Barselona" ilə yollarını ayıran 33 yaşlı hücumçu Avropa karyerasını bitirib və ABŞ-ın "Nyu-York Red Bulls" klubuna keçib. Karyerasını Okeanın o tayında, MLS liqasında davam etdirməyi üstün tutan Anri iyulun 15-də rəsmən təqdim olunacaq. Onun müqaviləsinin müddəti, şərtləri haqda sonra məlumat veriləcək. Qeyd edək ki, Tyeri mövsüm bitəndən sonra "Barselona" ilə müqaviləsini pozaraq, azad agent statusuna malik oldu. O, karyerası boyu vətənində "Monako", İtaliyada "Yuventus", İngiltərədə "Arsenal" klubunda oynayıb. Yığmanın kapitanı olan Anri dünya və Avropa çempionudur, klub karyerasında çoxsaylı titullara sahib çıxıb.

19-cu dünya çempionatının rəmzi musiqi aləti kimi məşhurlaşan məşhurlaşmış nəfəs aləti - Vuvuzelanın populyarlığı pik həddinə çatıb. "Lenta.ru" saytına istinadənverilən məlumata görə, Uruqvaydan olan ailə yeni dünyaya gəlmiş körpəni Vuvuzela adlandırıb. Futbol fanatı olan ər-arvad qızlarına sənəd almaq üçün müraciət etdikləri qurumdan uşağın adının məhz bu cür yazılmasını istəyib. Hələlik qarşı tərəfin buna reaksiyası məlum deyil.

İrlandiya futbol liqasında "Vaterford Yunayted" və "Merve Yunayted" komandalarının qarşılaşmasında qəribə qol qeydə alınıb. "Vaterford Yunayted"in hücumu zamanı rəqib müdafiəçilər topu uzaqlaşdırmaq istəyərkən komanda yoldaşları Mayk Elfudun başına dəyən top təxminən 25 metrdən öz qapısından keçib. Oyun "Vaterford Yunayted"in 3:0 hesablı qələbəsi ilə başa çatıb.x

İrlandiya futbol liqasında "Vaterford Yunayted" və "Merve Yunayted" komandalarının qarşılaşmasında qəribə qol qeydə alınıb. "Vaterford Yunayted"in hücumu zamanı rəqib müdafiəçilər topu uzaqlaşdırmaq istəyərkən komanda yoldaşları Mayk Elfudun başına dəyən top təxminən 25 metrdən öz qapısından keçib. Oyun "Vaterford Yunayted"in 3:0 hesablı qələbəsi ilə başa çatıb.

İspaniyanın baş naziri Xose Luis Rodriges Zapatero milli komadanın dünya çempionu olmasından sonra ağlayıb. Fanat.az xəbər verir ki, bu barədə hökumət başçısı özü açıqlamasında bildirib. "İspaniya Radiosu"na açqlama verən Hollandiya - İspaniya finalını ailəsi ilə birlikdə izlədiyini və İspaniyanın kuboku qazanmasından sonra gözyaşlarını saxlaya bilmədiyini deyib. "Bu zəfər milli birlik və güvəni yenidən əldə etməyimizə yardımçı ola bilər. Əgər arxamında İspaniya kimi bir çox çətinlikləri aşan güclü bir ölkə olmasaydı, bu uğur gəlməzdi", deyə Zapatero bildirib. Baş nazir İspaniyaya qələbə gətirən Andres İnyesta haqqında da danışıb: "O, bir futbolçu və insan olaraq hamı üçün örnək ola bilər". Zapatero İnyestanın atasını da tədrik edib: "Oğlunuz bütün İspaniyanı xoşbəxt etdi".x

"Final oyununda baş verənlər dünya idmanı üçün rüsvayçılıqdır". Bu sözləri Niderland milli komandasının dünya çempionatındakı bombardiri, ötən mövsüm "İnter" heyətində Çempionlar Liqasının qalibi adını qazanmış təcrübəli yarımmüdafiəçi Uesli Sneyder deyib. Dünya çempionatının final matçında İspaniyaya 0:1 hesabı ilə uduzaraq gümüş mükafatla kifayətlənən "narıncılar"ın 26 yaşlı yarımmüdafiəçisi hakimlikdən narazı qalıb. Qarşılaşmadan sonra Sneyder ingiltərəli hakim Hovard Uebbin ardıcıl səhvlər seriyasından gileylənib: "İnyesta qırmızı vərəqə almalı idi. Ardınca hakim künc zərbəmizi vermədi. Az keçməmiş isə ispaniyalılar oyundan kənar vəziyyətdən qol vurdular. Görüşün və bütün turnirin taleyini bir dəqiqə həll etdi. Bizim əla qol imkanlarımız oldu. Onlardan yararlansaydıq, biz dünya çempionu olardıq. Lakin bu baş vermədi".