UEFA prezidenti Mişel Platinin səhhətində problem yaranıb. Əfsanəvi futbolçu DÇ-2010-un keçirildiyi Cənubi Afrika Respublikasının Yohannesburq şəhərindəki xəstəxanaların birinə yerləşdirilib.
   Platini restoranların birində nahar etdiyi zamanı huşunu itirib və dərhal xəstəxanaya aparılıb. Ancaq ciddi bir şey aşkar etməyən həkimlər 55 yaşlı fransalının soyuqladığını bildirib. Daha sonra Platinin zəhərləndiyi söylənilsə də, bu da əsl səbəb deyilmiş. Əslində UEFA prezidenti infarkt keçirdiyi məlub olub.
   

CAR-da keçirilən dünya çempionatının final mərhələsinin oyunlarında qeydə alınan hakim səhvləri FİFA-nı məsələyə münasibət bildirməyə vadar edib. Qurumun Hakimlər Komitəsinin rəhbəri Xose Mariya Qarsia Aranda idarəçilikdə müəyyən qüsurların olduğunu etiraf edib.
   Öz hakimlərinin müdafiəsinə qalxan Qarsia qərarların 4 faizinin səhv olduğunu da etiraf edib: "Biz böyük müvəffəqiyyət qazandıq. Bu, sadəcə fikir yox, faktdır. Biz hər şeyin ideal olduğunu iddia etmirik. Ən vacib olanı odur ki, hakim qərarlarının əksəriyyəti düzgün olub. Qəbul edilən qərarların 96 faizi düzgün olub. Buna görə də hakimlik baxımından dünya çempionatı yaxşıdan da yaxşı keçdi".
   Qarsianın açıqladığı rəqəmlərə əsasən hər 25 qərardan 1-i səhv olub.

Cənubi Afrika Respublikasında keçirilən dünya çempionatında İspaniyanın qələbəsi həmyerlilərinə baha başa gəlib. Visente del Boskenin yetirmələri finalda Hollandiya millisinə qalib gəldiyi oyunu İspaniyanın müxtəlif şəhərlərindən izləyən azarkeşlərdən 2 nəfər dünyasını dəyişib, 400 nəfərdən artıq insan xəsarət alıb. Ölənlərin birinin sevincdən hovuza tullanarkən, digərinin isə eyvandan yıxılaraq vəfat etdiyi deyilir.
   Xəsarət alan 400 nəfərin zədələnməsində şübhəli bilinən 40-a yaxın fanat həbs olunub.

CAR-da keçirilmiş futbol üzrə Dünya çempionatında verdiyi dəqiq proqnozlarla məşhurlaşan səkkizayaqlı ilbizə müştəri düşüb. Bir neçə bukmeyker kontoru ilbizi almağa hazır olduğunu bildirib.
   İspaniyalı bir biznesmen isə ona rekord məbləğdə pul təklif edib. Almaniyanın Oberhauzen şəhərində yaşayan Paul ləqəbli ilbizə görə 30 min avrosundan keçməyə hazır olan biznesmen ondan qida kimi yararlanmayacağını, ilbizi müsabiqələrdən birinin talismanına çevirmək niyyətində olduğunu bildirib.
   Biznesmen futbol oyunlarından əvvəl proqnoz verilməsində də ilbizdən yararlanmağı düşünür.

"Bavariya" və Almaniya millisinin yarımmüdafiəçisi Bastian Şvaynştayger "Yuventus"un maraq dairəsində olmasını təsdiqləyib. CAR-da keçirilmiş Dünya Çempionatında parlaq oyunla bir sıra klubların diqqətini üzərinə çəkmiş 25 yaşlı yarımmüdafiəçi bildirib: ""Çelsi", "Real" və "Yuventus" mənim xidmətlərindən yararlanmaq arzusundadırlar. Bundan başqa da bir neçə maraqlı təkliflər var. Amma mənim "Bavariya" ilə 2012-ci ilədək müqaviləm var və müqavilənin sonunadək hazırki klubumda qalmaq fikrindəyəm. Lakin mən "Bavariya"ya kəbinli deyiləm və hansısa anda klubumu dəyişə bilərəm".