"İnter"in heyətini Argentina yığmasının və Madrid "Atletiko"sunun hücumçusu Serxio Aquero ilə gücləndirmək fikrindədir. Bu razılaşma Mario Balotellinin "Mançester Siti"yə keçidindən sonra baş tuta bilər. transfer məbləği 35 milyon avro təşkil edir. Cari mövsümdə Aquero İspaniya Çempionatında 31 matç keçirib və rəqib qapısına 12 dəfə yol tapıb. 22 yaşlı futbolçu DÇ-da üç qarşılaşma da çıxış edib. Futbolçu həmçinin "Çelsi"nin maraq dairəsindədir.
   

"Palmeyras" rəsmi olaraq "Əl-Aina"nın hücumçusu Horhe Valdiviya ilə maraqlandığını təsdiq edib. Çilili futbolçunun keçidinə görə braziliya klubu 6 milyon avro və beşillik müqavilə təqdim etmək niyyətindədir. 26 yaşlı forvard 2006-2008-ci illərdə "Palmeyras"ın heyətində çıxış edib.

"Real"ın sol cinah müdafiəçisi Markos Alonso artıq "Bolton"un heyətində çıxış edəcək. Transferin maliyyə məsələləri açıqlanmasa da, futbolçu klubla üçillik müqavilə imzalayıb. 19 yaşlı ispan bu ilin aprel ayında komandasının "Rasinq"lə qarşılaşmasında öz uğurlu çıxışı ilə yadda qalıb. Alonso "Bolton"un üçüncü reallaşdırdığı keçiddir. Bundan əvvəl ingilis klubu heyətinə yarımmüdafiəçilər Martin Petrovu və Robbi Bleyki qatıb.

"Liverpul"un yarımmüdafiəçisi Maksi Rodriqes yaxın günlərdə "Espanyol"la müqavilə imzalamağı gözlənilir. Bu ilin yanvarında ingilis klubunun heyətinə qatılsa da klubun rəhbərliyi futbolçunun qeyri-qənaət bəxş çıxışlarından sonra onunla yollarını ayırmaq qərarına gəlib. 2009/10 İngiltərə çempionatında Maksi 17 matç keçirib və bir dəfə vurduğu qolla fərqlənib.

"İnter" və Madrid "Real"ı braziliyalı futbolçu Maykonun İspaniyaya transferi ilə bağlı anlaşma əldə edib. Bu barədə İtaliyanın "La Gazzetta dello Sport" və "Corriere della Sera" qəzetləri məlumat verib.
   "İnter" 28 milyon avro qarşılığında futbolçusunu "Real"a satmağa razılıq verib. Artıq "Real" Maykonun keçidini həll edib və transfer 48 saat içində rəsmiləşəcək.
   Maykon 4 illik müqavilə çərçivəsində hər il üçün 6 milyon avro istəyib, lakin "Real"ın prezidenti braziliyalı futboçluya ildə 5,5 milyon avro əməkhaqqı təklif edib. Tərəflər bu məsələdə anlaşan kimi rəsmi müqavilə imzalanacaq.