AFFA-nın baş katibi Fuad Əsədov İsveçrəyə yola düşüb. O, UEFA-nın lisenziyalaşdırma proqramı ilə bağlı keçirdiyi toplantıya qatılmaq üçün hazırda Cenevrədədir. İki gün çəkəcək yığıncaqda sözügedən proqram ətrafında fikir mübadiləsi aparılacaq. Lisenziyalaşdırma ilə bağlı AFFA-nın UEFA qarşısında götürdüyü bəzi öhdəliklər var ki, bunun da orada müzakirə olunacağı gözləniləndir. Baş katib eyni zamanda lisenziyalaşdırma qrupunun başçısıdır. Fuad Əsədovu lisenziyalaşdırma üzrə birinci instansiyanın rəhbəri Elçin Usubov və lisenziyalaşdırma üzrə Apellyasiya Komitəsinin sədri Ramin Məmmədov müşayət edir. Tədbirdə yeni lisenziyalaşdırma layihəsi müzakirəyə çıxarılacaq. UEFA Lisenziyalaşdırma Komitəsi yeni layihəni 2008-ci ildən həyata keçirmək fikrindədir.