"Terek"lə Dmitri Kramarenko arasında yaranan problem həllini gözləyir. Qroznı klubunun rəhbərliyi Hazırda "Xəzər-Lənkəran"ın şərəfini qoruyan qapıçını Rusiyaya dəvət edib. Bu da səbəbsiz deyil. İş ondadır ki, çeçenlər kiperin Rusiya Futbol İttifaqına müraciətindən sonra ona olan borcunu ödəmək fikrindədir. Ancaq Kramarenko qonşu ölkəyə getmək istəmir. Dimayla müqaviləsi olan hüquqşünas "Terek" rəhbərliyi ilə danışıqlar aparıb və bank hesabının nömrəsini onların diqqətinə çatdırıb. "Terek"in fevralın sonunadək borcu ödəyəcəyi ehtimal olunur.