Qızlardan ibarət U-17 və U-19-un yeni baş məşqçisi məlum olub. Bundan sonra onlara Şamil Heydərov rəhbərlik edəcək. AFFA-nın Milli Komandalar Departamentinin rəisi Bəhruz Əsgərovun verdiyi məlumata görə, onunla bu ilin sonunadək müqavilə bağlanması qərara alınıb. Heydərovun hazırda oğlanlardan ibarət U-15-i çalışdırığını bilirsiz. İndi o, eyni vaxtda iki vəzifə daşıyacaq? Əsgərov Şamil bəyin hazırkı postunu tərk edəcəyini bildirib. Bir həftədən sonra isə 15 yaşlılara yeni baş məşqçi təyin ediləcək. Qadınlardan ibarət əsas yığmanın da adıçəkilən mütəxəssisə tapşırılmaq ehtimalı var. Ancaq bu il beynəlxalq turnir olmadığından, hələ ki yeni təyinat gündəmdə deyil. Ancaq bəllidir ki, futbolçular Heydərovun burada çalışmasını istəyir. AFFA-nın da onun işindən razı olduğunu deyə bilərik. Hər halda Bəhruz bəy belə deyir.