Srağagün İtaliya kubokunda 1/8 final mərhələsinin növbəti oyunları start götürdü. İlk oyun gününün yeganə matçında paytaxt Romada "A" Seriyasının iddialısı "Latsio" doğma meydanda aşağı liqa təmsilçisi "Verona"nı sınağa çəkdi. Mütəxəssislər matçdan əvvəl meydan sahiblərini aşkar favorit kimi qiymətləndirsələr də, oyun bunun əksini göstərdi. Görüşün son saniyələrində vurduğu qolla çətin qələbə qazanan paytaxt futbolçuları adlarını növbəti mərhələyə yazdırmağa nail oldular.
   İtaliya kuboku. 1/8 final
   "Latsio" - "Verona" 3:2
   Qollar: Dias, 44, Rokki, 58, Ernanes, 90+1 - Berrettoni, 61, Alessandro, 74
   

Artıq iki mövsümdü "Arsenal"da əsas heyət üzünə həsrət qalan Rusiya yığmasının yarımmüdafiəçisi Andrey Arşavin yenidən Rusiya Premyer Liqasında çıxış edə bilər. Məlumata görə, rusiyalı futbolçunun doğma klubu "Zenit"ə qayıdacağı iddia olunur. Peterburq təmsilçisi Arşavin üçün 8 milyon avro ödəməyə hazırdır. Bu mövsüm "Arsenal"ın əsas heyətindən kənarda qalan futbolçunun da "Zenit"in təklifini müsbət qarşıladığı bildirilir. Qeyd edək ki, Arşavin 2009-cu ildə 15 milyon avro qarşılığında məhz "Zenit"dən "Arsenal"a transfer olunmuşdu.
   

Bu günlərdə gənc almaniyalı Marko Roys klubunun adını dəyişmədən yüksək qiymətə transfer olunub. O, Mönxenqladbax "Borussiya"sından Dortmundun eyniadlı klubuna köç edib. Dortmundlular Roysa görə 17,1 milyon avro ödəyiblər. Klubun idman direktoru Mixael Sork bildirib ki, bu məbləğ "Borussiya"nın ehtiyat fondundan və Çempionlar Liqasında əldə etdiyi gəlirlərdən götürülüb.
   İndiki ölçülərə görə, bu məbləğ elə də böyük görünməyə bilər. Ancaq bu, Almaniya Bundesliqasının tarixində dəyərinə görə 7-ci böyük transferdir. Bu sahədə liderliyi Mario Qomesin "Ştuttqart"dan "Bavariya"ya keçidi edir. Ümumiyyətlə, Bundesliqa tarixində 10 ən böyük transfer siyahısına yalnız iki klubun - "Bavariya"nın və Dortmund "Borussiya"sının bazarlıqları var. Həmin 10 böyük transfer isə aşağıdakılardır:
   1.Mario Qomes "Ştuttqart" - "Bavariya" 30 mln avro
   2.Frank Riberi "Marsel" - "Bavariya" 25 mln avro
   3.Marsio Amoruzo "Parma" - "Borussiya" D. 25 mln avro
   4.Aryen Robben "Real" - "Bavariya" 24 mln avro
   5.Manuel Noyer "Şalke" - "Bavariya" 22 mln avro
   6.Roy Makay "Deportivo" - "Bavariya" 19,75 mln avro
   7.Marko Roys "Borussiya" M. - "Borussiya" D. 17,1 mln avro
   8.Luis Qustavo "Hoffenhaym" - "Bavariya" 17 mln avro
   9.Miroslav Kloze "Verder" - "Bavariya" 15 mln avro
   10.Tomaş Rosiçki "Sparta" P. - "Borussiya" D. 14,5 mln avro
   

İtaliya millisinin və "Yuventus"un əfsanəvi futbolçularından Alessandro Del Pyero hələ uzun illər futbol oynamaq istədiyini söyləyib. 37 yaşlı Alessandro Del Pyero "Yuventus"dan ayrıldıqdan sonra ən azı 5 il də futbol oynamaq istəyir. 1993-cü ildən bəri "Yuventus"un formasını geyinən futbolçu İtaliyanın "Sky Sport 24" televiziyasına müsahibəsində "Yuventus"la mövsümün sonunda sona çatacaq müqaviləsini uzatmaq istədiyini, ancaq bu, baş verməsə, də futbol oynamağa davam etməyi düşündüyünü deyib. Del Pyero ""Futbolu buraxmaq istəmirəm. Ən azı 5 il də oynamaq istəyirəm. Bu anda gələcəyim "Yuventus"la bağlıdır deyib. Futbolçu ayaqlarının möhkəm olduğunu və ehtirasını itirmədiyi müddətdə futbol oynamağı düşünəcəyini vurğulayıb.
   

Adı son günlərdə "Pari Sen Jermen"lə xatırlanmağa başlanan Devid Bekhem haqqında bir şərh də Zinəddin Zidandan gəldi. Fransanın əfsanəfi futbolçusu "France Football"a etdiyi şərhlərdə PSJ-nin Bekhemlə uğur tapacağını söyləyərək, ingilis futbolçu haqqında dedi: "Real"da birlikdə oynadığımız dövrdə mənə olduqca köməkçi olur və məsuliyyətimi azaldırdı. "Pop ulduz" səviyyəsində məşhurluğu olmasına baxmayaraq, xüsusilə mənim kimi utancaq oyunçular üçün meydan xaricində də razılaşması asan bir insandır". Fransa yığmasının uzun illər qapısını qoruyan Fabyen Bartez də Bekhem ilə əlaqədar "Özü olduqca peşəkar, heyran qalınacaq şəkildə çalışqan və futbol oynamağı həqiqət sevən futbolçudur. 37 yaşında olmasına baxmayaraq, hələ futbol oynaması da bunun ən əhəmiyyətli sübutudur" - dedi. Bekhem son olaraq formasını geydiyi "Los Anceles Qalaksi" ilə 5 illik müqaviləsini başa vuraraq, Paris klubu ilə görüşmələrə başlamışdı. Ötən mövsüm Amerika Liqasında çempionluq yaşayan ingilis futbolçu, PSJ ilə müqaviləyə hər an imza ata bilər.
   

Barselona rəhbərliyi braziliyalı futbolçu Neymarın transferi mövzusunda "Santos" ilə razılaşdıqlarına dair xəbərləri təkzib edi. İspan "Barselona"sının vitse-prezidenti Xordi Kardoner İspaniya mətbuatına müsahibəsində Neymarın transferində özlərinə imtiyaz göstərilməsi üçün "Santos"a 10 milyon avroluq bön ödəmə edildiyinə işarə edən xəbərlərin doğru olmadığını söyləyib. Neymar ilə əlaqədar son qərarı komandanın baş məşqçisi Pep Quardiolanın verəcəyini deyən Kardoner, "Bu futbolçunun adının çox tələffüz edilməsi, bu komandaya uyğun görülməsindən qaynaqlanır. Ancaq son qərarı Quardiola verəcək" - deyib.
   

Baş məşqçisi Joze Mourinyonun bir neçə il sonra İngiltərə Premyerliqasına dönmək istəməsi Madrid "Real"ının rəhbərliyinin Yoahim Lövə üz tutacağı xəbərini gündəmə gətirdi. İspaniyanın "Marca" qəzeti "Löv istədiyimiz adamdır" başlığıyla verdiyi xəbərdə portuqaliyalı Mourinyonun yerinə alman məşqçi Yoahim Lövün gətirilə biləcəyini yazdı. "Real"ın rəhbərlərinin bu plana hazırlandıqları, "Löv bizim istədiklərimizi verə biləcək dəyərli bir məşqçidir" deyən klub rəsmilərinin Mourinyo gedərsə, Löv planını həyata keçirəcəkləri ifadə edildi. "Real" tərəfdarlarının məşqçiləri Mourinyonun şərhləriylə sanki şok olduqlarının ifadə olunduğu gündəlik idman qəzeti "AS"dakı xəbərdə isə "Maurinyonun istifadə müddəti artıq müəyyən oldu" deyildi. 2014-cü ildə müqaviləsi sona çatacaq Mourinyonun yerinə, yenə eyni tarixlərdə alman futbol federasiyası ilə sözləşməsi bitəcək olan Joahim Lövün keçə biləcəyi önə sürdürdü.
   

"Barselona"nın prezidenti Sandro Rossell menecerlərinin pulunu futbolçuların ödəməli lazım olduğunu söyləyib. Rosell iştirak etdiyi bir konfransda UEFA-nı futbolçu menecerlərinin pulunun klublar tərəfindən ödənməsi mövzusunda yeni bir tənzimləmə etməsi çağırışında oldu və menecerlərin futbolçuları təmsil etməsi səbəbindən pullarının da təmsil etdikləri kəslər tərəfindən ödənməsinin doğru olacağını deyib. "Barselona"nın başçısı, "Bir menecer, oyunçusunu təmsil etmək və bu oyunçunun müqaviləsi ilə bağlı görüşmək üçün kluba gəlir. Ancaq pulunu klub ödəyir. Oyunçunun maksimum mənfəətini düşünən bu menecerin pulunu niyə klub versin? UEFA-dan bunu dəyişdirməsini tələb edirəm" deyə fikrini açıqlayıb. Eyni konfransa qatılan UEFA-nın baş katibi Cianni İnfantino da şərhində, "Menecer ödənişinin kim tərəfindən ödənməsi barəsində eyni fikirdəyəm" deyərək, Rosselin bu çağırışına dəstək verib. "Menecerləri istifadə edən oyunçulardır" - deyən İnfantino, vəziyyətin çox açıq olduğunu və ödəmə etməsi lazım olan tərəfin məntiq çərçivəsində təsbit edilə biləcəyini deyib.