"Marsel" ölkə kubokunun yarımfinalına "Kan"ı səfərdə inamla üstələyərək çox asan çıxdı. İnamlı qələbədə də matçda dubla imza atan Matye Valbuenanın böyük payı oldu. "Marsel" elə erkən qolla oyunun ipini əlinə aldı. Doğrudur, lap debütdə "Kan"ın forvardı Livio Nabab bir qədər dəqiq olsaydı, kim bilir oyun necə davam edəcəkdi? Ancaq 7-ci dəqiqədə cərimə zərbəsində məhz marsellilər dəqiq olaraq hesabı açdılar. 19 metrdən Valbuen topu qapının uzaq küncünə göndərdi. Özünü oyuna hakim sayan qonaqlar rəqibin həmlələrinə də əhəmiyyət vermirdilər. Ancaq kanlıların hücumları getdikcə təhlükəli olmağa başlayırdılar. Ancaq Sorbon qapını dəqiq nişan ala bilmədi, Nabab topu düz qapıçının üstünə tuşladı, Romen Amuma isə iki dəfə topu hədəfdən necə yayındırdığını heç özü də anlamadı. 20-ci dəqiqədə Morqan Amalfitanodan ötürmə alan Loik Remi soyuqqanlıqla qapı küncünü dəqiq nişan alıb hesabı artırdı. Hissənin sonunda Valbuenanın zərbəsində top "doqquzluq"dan azca yayındı. İkinci yarının əvvəlində isə Remi topu dirəyə tuşladı. Reminin dublu alınmasa da, Valbuena bunu edə bildi. Luço Qonsales topu buraxarkən Valbuena 12 metrdən topu qapıya göndərərək matçda son nöqtəni qoydu.
   
   Fransa. Liqa Kuboku. 1/4 final
   "Kan" - "Marsel" 0:3
   Qollar: Valbuena, 7, 52, Remi, 20.
   "Kan": Bosmel, Seube, M"Bone, Vaqye, Sorbon, Proman (Nive, 46), Reno, Amuma, Leka (Nanqis, 55), Fayr, Nabab (K.Traore, 68).
   "Marsel": Brasilyano, Aspilikueta, N"Kulu, D.Traore, Morel (Sabo, 60), Şeyru, Qonsales, Mbia, Amalfitano, Valbuena (N"Kiasala, 65), Remi (Omrani, 81).
   "Nitsa" - "Dijon" 8:6 (3:3, pen-5:3)
   (Munye, 35, Çivelli, 78, Monzon, 119 - Querbert, 19, Jovial, 62, Bauteak, 117)
   "Le Mann" - "Loryan" 0:1
   (Sunu, 71)
   "Lion" - "Lill" 2:1
   (Kallström, 41, Lopes, 65 - Koul, 28)
   
   İspaniya Kuboku. 1/8 final. Təkrar oyunlar
   "Malaqa" - "Real" 0:1 - ilk oyun: 2:3
   Qol: Benzema, 72.
   Qırmızı vərəqə: Arbeloa, 89.
   "Malaqa": Kabalyero, Sançes, Demikelis, Mateysen, Monreal, Tulalan, Kasorla, Elizeu (Mareska, 75), İsko (Buonanotte, 75), Fernandes (Rondon, 67), van Nistelrooy.
   "Real": Kasilyas, Arbeloa, Pepe, Ramos, Koentrau, Xedira (Özil, 44), Xabi Alonso, Diarra, Kaka (Marselo, 46), Kriştiano Ronaldo, İquain (Benzema, 69).
   Malyorka - Real Sosyedad. 6:1 - ilk oyun: 0:2
   (Kastro, 34, 40, Hemad, 35, 59, Nunyes, 37, Alfaro, 53 - İfran, 16)
   Rasinq - Mirandes 1:1 - ilk oyun: 0:2
   (Munitis, 35 - İnfante, 72-pen.)
   Levante - Alkorkon 4:0 - ilk oyun: 1:2
   (Barkero, 23, Salvador, 45, La Fuerte, 53, Suares,66)
   Espanyol - Kordoba 4:2 - ilk oyun: 1:2
   (Vaskes, 9, 20, 88, Vila, 35 - Aquilar, 40, Dias, 49)
   Sevilya - Valensiya 2:1 - ilk oyun: 0:1
   (Rakitiç, 70, Ruis, 90-öz qap. - Soldado, 66)
   "Atletik" - "Albasete". 4:0 - İlk oyun: 0:0
   Qol: Susaeta, 25, Errera, 65, Tokero, 78, San Xose, 86.
   "Osasuna" - "Barselona". 1:2 - ilk oyun: 0:4
   Qol: Lekiç, 41 - Sançes, 49, Roberto, 72.
   

Madrid "Real"ınınin braziliyalı ulduzu Kakanın talibləri arasına çinlilər də qatıldılar. "Marca"nın xəbərinə görə, heyətini Nikolya Anelka ilə gücləndirən, fransız mütəxəssis Jan Tiqananı sükanına əyləşdirən "Şanxay Şenxua" yeni hədəfi məhz Kakadır. Mövsüm başından bu yana adı transfer şayiələrində hallanan braziliyalı ulduz üçün Çin klubu ili 9 milyon avroluq bir təklif edib. "Real"ın sükançısı Joze Maurinyo adı köhnə məşqçisi Karlo Ançelottinin PSJ-yə keçməsi ilə fransız klubuyla bağlı tez-tez xatırlanan, bundan əlavə, İngiltərə Premyer Liqasında "Çelsi"nin də hədəfində olduğu Kakanın özünün istəyi təqdirində klubdan getməsinə icazə veriləcəyini demişdi.
   Braziliyalı yarımmüdafiəçi bu mövsüm yalnız 13 qarşılaşmada forma geyinə bilib və bunların da ancaq altısında ilk 11-likdə yer alıb.
   

İspaniyanın "Barselona"sının 3-cü il dalbadal dünyanın ən yaxşı futbolçusu seçilən argentinalı forvardı Lionel Messi futbolla vidalaşmazdan əvvəl ölkəsindəki bir komandada forma geyinmək istədiyini söyləyib. Messi, Argentinada nəşr olunan "Ole" qəzetinə müsahibəsində Avropada futbol oynadığı müddətdə "Barselona"dan ayrılmaq istəmədiyini deyib: "Futbolu buraxmazdan əvvəl ölkəmdə oynamaq istəyirəm. Argentinada oynamaq xəyalımdır və bunu reallaşdıracağam". Üçüncü dəfə dalbadal "Qızıl top"u qazanmaqdan çox xoşbəxt olduğunu deyən Messi "La Liqada xal itkinlərinə son verməyimiz lazımdır" lazımdır deyərək, klubunun son zamanlarkı axsamalarına da münasibət bildirib.
   

MLS-də "Qalaksi"nin formasını geyinən Robbi Kinin yeni komandası müəyyən olundu. İngiltərə Premyer Liqasından "Aston Villa" onu 2 aylığına icarəyə götürdüyünü rəsmi olaraq açıqlayıb. Birmingem təmsilçisi ilə bir müddətdir ki, görüşən irlandiyalı builki qitə çempionatı finallarında formada olmaq istədiyi üçün ABŞ Liqasında verilən fasilədə boş qalmamaq üçün bu addımı atıb. "Aston Villa"nın baş məşqçisi Aleks Makliş keçən mövsüm "Birmingem"lə çalışarkən də o dövrdə "Tottenhem"də oynayan Kini transfer etmək istəmişdi. Premyer Liqaya daha əvvəl də Landon Donovan və Tyerri Anri MLS-dən icarəyə gəlmişdi.
   

Uzun müddətdir ki, dünya transfer bazarını məşğul edən PSJ-nin "Milan"ın ulduzu Pato ilə anlaşması xəbəri ardından futbolçunun bu xəbərə münasibəti açıqlandı. Dünən səhər saatlarında İtaliya və Fransa mətbuatında çıxan "PSJ və Pato razılaşdı" xəbərlərindən sonra futbolçu transfer iddialarına son nöqtəni qoydu: "PSJ-yə transfer olunduğum doğru deyil. "Milan" mənim evimdir və burada tarix yazmağa davam etmək istəyirəm. Bu gün mənim üçün çox xüsusi bir gündür. Berluskoni və azarkeşlər mənə güvəndikləri üçün təşəkkür edirəm".
   Bu açıqlamadan sonra Paris təmsilçisinin transferinin qəti olaraq nəticəsiz qaldığı məlum olarkən "Milan"ın Karlos Tevesi transfer etməkdən imtina edib- etməyəcəyi isə bilinmir.
   

Beynəlxalq Futbol Tarixi və Statistikaları Federasiyası (İFFHS) klubların ötən ilki yekun reytinqini açıqlayıb. Siyahıya İspaniyanın "Barselona" klubu 367 xalla başçılıq edir. Onun əzəli rəqibi olan Madrid "Real"ı 312 xalla 2-di. İlk üçlüyü Argentinanın "Veles Sarsfild" klubu 271 xalla qapayır. Azərbaycanın reytinqdə yeganə təmsilçisi "Qarabağ" 14 pillə geriləyib. Ağdam təmsilçisi 69,5 xalla 312-ci pillədə qərarlaşıb.
   

İspaniya kubokunda 1/8 final mərhələsinin cavab görüşündə "Malaqa" üzərində qələbə qazanan "Real" ciddi itki ilə üzləşib. Madrid klubunun alman futbolçusu Sami Xedira matçın 44-cü dəqiqəsində ciddi zədə alaraq əvəzlənib. Yarımmüdafiəçinin yaşıl meydanlara qayıdışının dəqiq vaxtı açıqlanmasa da, onun La Liqada "Malyorka" ilə keçiriləcək oyunu buraxacağı dəqiqdi.
   

Portuqaliya yığması və Madrid "Real"ın ulduz futbolçusu Kriştiano Ronaldonun sevgilisi İrina Şeyk yeni fotosessiyaya çəkilib. Rusiyalı model alt paltarı satışı ilə məşğul olan "İntimissi"nin siması olub.
   

"Barselona"nın baş məşqisi Xosep Quardiola Maksvellin PSJ-yə transfer olunacağını açıqlayıb. Bu mövsüm cəmi 12 matçda meydana çıxan braziliyalı müdafiəçi gənc mütəxəssisə komandadan ayrılmaq istədiyini bildirib. Məsələ ilə bağlı açıqlama verən Qvardiola deyib: "Maksvell mənə bildirdi ki, PSJ onunla yaxından maraqlanır və bu təklifi dəyərləndirmək istəyir. Futbolçularımı burada məcbur saxlaya bilmərəm. Tərəflər razılığa gəlməyə çox yaxındı. Əgər Maksvell gedərsə, ona təşəkkür edib, yolumuza davam edərik".
   

Braziliyanın "Flamenqo" klubunun məşhur futbolçusu Ronaldinyo rəhbərliyi yanvarın 25-də Libertadores Kuboku çərçivəsində keçirilməli olan Boliviyanın "Real Potosi" klubuna qarşı matça çıxmayacağı ilə hədələyib. "Globoesporte" saytının verdiyi xəbərə görə, futbolçu klubun ona ödənməli olduğu məvacibin bir hissəsini tələb edir. 31 yaşlı Ronaldinyo "Flamenqo" ilə müqaviləsinin müddətini bir mövsümlük artırmışdı. Yeni müqaviləyə əsasən Ronaldinyonun məvacibinin yerdə qalan hissəsinin yanvarın 9-dək ödənilməli olduğu göstərilsə də, bu hələ baş verməyib.