Türkiyə Superliqasında XXI tura yekun vurulub. Qarşılaşmalarda sürpriz nəticələr də qeydə alınıb. "Qalatasaray" səfərdə "Eskişəhərspor" səddini yenə də keçə bilmədi. Qolsuz başa çatan oyundan Fatih Terimin yetirmələri bir xala qane oldular. Bundan maksimum yararlanan "Fənərbağça" isə doğma meydanda "Kayserispor"u böyükhesabla məğlub edərək liderlə arasındakı xal fərqini ikiyə endirə bildi. "Bursaspor" isə doğma meydanda "Sivasspor"a məğlub oldu. Superliqanın autsayderi "Ankaragücü" öz meydanında "Gənclərbirliyi" ilə qarşılaşıb. Matçın taleyini bir qol həll edib. Mericin 20 ci dəqiqədə vurduğu qol qonaqlara qələbə qazandırıb 1:0. Trabzonun şərəfi hesab olunan "Trabzonspor" isə səfərdə "Karabükspor" qarşısında acız qaldı.
   
   Türkiyə. Superliqa. Tur 21
   "Qaziantepspor" - "Mersin İdmanyurdu" 1:0
   Qol: Popov, 8 (1:0)
   "Antalyaspor" - "Beşiktaş" 1:2
   Qollar: Almeyda, 64 (0:1), Fernandez, 90 (0:2), Sidney, 90+2 pen (1:2)
   
   21 yanvar
   "İstanbul BB" - "Manisaspor" 3:2
   Qollar: İnanc, 11 (1:0), Holmen, 15 (2:0), Silva, 19 (3:0), Ərdoğan, 32 pen (3:1), Özek, 73 (3:2)
   "Samsunspor" - "Orduspor" 2:0
   Qollar: Gekas, 20 (1:0), 74 (2:0)
   "Karabükspor" - "Trabzonspor" 2:1
   Qollar: Cernat, 44 (1:0), Yahiç, 55 (2:0), Yılmaz, 69 (2:1)
   "Bursaspor" - "Sivasspor" 1:2
   Qollar: Eneramo, 24 (0:1), Batalla, 85 pen (1:1), Özkara, 88 pen (1:2)
   "Fənərbaxça" - "Kayserispor" 4:0
   Qollar: Aleks, 11 (1:0), 67 pen (2:0), Stok, 77 (3:0), Bienvenü, 90+1 (4:0)
   
   22 yanvar
   "Ankaragücü" - "Gənclərbirliyi" 0:1
   Qol: Meric, 20 (0:1)
   "Eskişehirspor" - "Qalatasaray" 0:0
   
   "Qalatasaray" 21 14 5 2 47
   "Fənərbaxça" 21 13 6 2 45
   "Beşiktaş" 21 12 6 3 42
   "Gənclərbirliyi" 21 10 5 6 35
   "Sivasspor" 21 9 7 5 34
   "Trabzonspor" 21 9 6 6 33
   "Eskişehirspor" 21 9 5 7 32
   "Mersin" İ. 21 7 6 8 27
   "Antalyaspor" 21 7 6 8 27
   "İstanbul" BB 21 7 6 8 27
   "Kayserispor" 21 8 2 11 26
   "Bursaspor" 21 6 7 8 25
   "Manisaspor" 21 6 7 8 25
   "Qaziantepspor" 21 5 8 8 23
   "Orduspor" 21 5 7 9 22
   "Karabükspor" 21 5 3 13 18
   "Samsunspor" 21 3 7 11 16
   "Ankaragücü" 21 2 5 14 11

Tam adı: Semih Şəntürk
   Doğum tarixi: 29 aprel 1983
   Doğulduğu yer: İzmir, Türkiyə
   Çıxış etdiyi klub: "Fənərbağça"
   Boyu: 1.83 sm
   Ləqəbi: Növbətçi qolçu
   Ampluası: Hücum
   Forma nömrəsi: 23
   Çıxışları: "Fənərbağça" (aşağı yaş qrupları1996/1999); Əsas komanda (2000 ci ildən) - 222 oyun 81 qol; "İzmirspor" (2001/02 icarə əsasında) - 22 oyun 3 qol
   U 21 (1999/2004), əsas yığmada (2007 ci ildən) - 21 oyun 8 qol.
   Müqaviləsi: "Fənərbağça" 30 iyun 2008/31 may 2011
   Müvəffəqiyyətləri
   "Fənərbağça":
   1 ci Liqa Çempionluğu: 5 (2000 01, 2003 04, 2004 05, 2006 07, 2010 11)
   Turkcell Superliqası qol kralllığı (17 qol) (2007 08)
   Türkiyə Super Kuboku: 1 (2007)
   UEFA Çempionlar Liqası: Dörddə bir Final (2007 2008)
   Türkiyə yığması:
   Futbol üzrə Avropa çempionatı 2008: 3 cü yer
   1999 cu ilin İyun ayında "Türkiyə U15 Milli Komandası"nın Rumıniya U15 Milli Komandası ilə oynadığı matçın heyətinə çağrılıb və ilk dəfə yığmada çıxış etmək hüququ əldə edib. Avqust ayında keçirilən "Balkan Gənclər Çempionatı"nda 4 matçda 8 qol vurub. Turnir əsnasında 5 qol vurduğu Yuqoslaviya matçını izləyən "Fənərbağça" PAF klubu baş məşqçisi Mədəniyyət Saraloğlu tərəfindən bəyənilərək 1999 cu ilin Sentyabr ayında "Fənərbağça" PAF komandasına transfer edilib. Turkcell Superliqasının ikinci dövrəsində baş məşqçi Mustafa Dənizli tərəfindən "Fənərbağça"ya alınıb. "Fənərbağça"dakı ilk rəsmi matçına "Siirt Jetpa" İK qarşısında çıxıb. Bu matçın son 15 dəqiqəsində oynayıb. Turkcell Süper Liqasının 2001 2002 mövsümündə "İzmirspor"a icarə əsasında yollanıb. 17 Dekabr 2005 ci ildə oynanan və 4 0 qələbəylə nəticələnən Turkcell Superliqasının 17 ci həftəsindəki "Fənərbağça" "Dənizlispor" qarşılaşmasında 4 qol birdən vuraraq, "Fənərbağça"nın liqa tarixində bir matçda 4 və ya daha çox qol vuran 13 cü futbolçusu olub.
   13 Dekabr 2006 cı ildə 2 2 ilə nəticələnən, "Fənərbağça" - "Ayntraxt" UEFA Kuboku görüşünün 75 ci dəqiqəsində oyuna daxil olub, 79 cu dəqiqədə ilk sarı kartını görüb, 82 ci dəqiqədə "Fənərbağça"nın növbəti tura keçməsini təmin edən qolu "röveşata" ilə atan və 91 ci dəqiqədə ikinci sarı kartını görən Semih ikinci sarıdan sonra qırmızı vərəqə alaraq, oyunu tərk etməli olub. Lakin hakimin qırmızı kart verməyi unutması səbəbi ilə oyun başladıqdan sonra təxminən 20 saniyə daha oyunda qalıb. Ardından hakimi xəbərdar edərək, qırmızı kart gördüyünü centlmenlik nümunəsi ilə bildirib. Bununla da klubunun növbəti turun başlamasından əvvəl "Fənərbağça"nın qarşılaşmaya cəza nəticəsində matçın təkrarını keçirməsini əngəlləyib. Bu isə futbolçunun komanda yoldaşları və azarkeşlər arasında daha da rəğbət qazanmasına səbəb olub.
   Turkcell Superliqasında keirdiyi bütün qarşılaşmalarda fəallıq nümayiş etdirən Semih əksərən oyuna sonradan daxil olmasına baxmayaraq 2007 2008 mövsümündə vurduğu 17 qol ilə qol krallığına çatıb. 6 Avqust 2008 ci il tarixində "Fənərbağça"nın Macarıstan klubu MTK nı 5 0 ilə məğlub etdiyi UEFA Çempionlar Liqası ikinci oyunda 4 qol vuraraq, Fəthi Həpərə aid olan "Avropa Kuboku matçında ən çox qol vuran türk futbolçusu" ünvanını ələ keçirdi. Bununla da Semih Şəntürk Çempionlar Liqasında bir matçda 4 qol vuran ilk Türk futbolçu kimi Avropada da şanlı səhifə yazdı. Sonradan klubun 1/4-ə qədər irəliləməsində də böyük pay sahibi olub.
   Məlumdur ki, Semih Şəntürk "Fənərbağça"nın aşağı yaş qruplarından ibarət heyətinə çağrılanda artıq 15 yaşlılardan ibarət yığmada böyük nüfuz qazanmışdı. Artıq hamı futbolçunun ən qısa zamanda yenidən əsas yığmaya qayıdacağını gözləyirdi. Türkiyə A Milli Komanda formasını isə ilk dəfə 17 Noyabr 2007 ci ildə Avro 2008 də qrup oyunlarında Norveç Türkiyə qarşılaşmasında geyinib. Bu görüşdə fəallıq göstərən Semih qol pərdəsini aça bilməsə də, yığmanın zəfəri üçün böyük səy göstərir. Sonradan, Finlandiya matçında isə yığma karyerasındakı ilk qolunu vura bilib. Seçmə mərhələdə göstərdiyi oyunda böyük rəşadət göstərərək, baş məşqçinin etimadını qazanan Semih sonradan yarışın final turuna da iştirak üçün çağrılır. Burada da özünü doğruldan "növbətçi qolçu" yığma ilə ikinci qolunu Avro 2008 in qrup matçları əsnasında İsveçrəyə qarşı vurub. 20 İyun 2008 ci ildə oynanan Avro 2008 in 1/4 finalında oynanan Xorvatiya matçının 112 ci dəqiqəsini 1 0 məğlub keçirən Türkiyə bu dəqiqədə Türk qapıçı Rüştü Reçberin Xorvat qapıçı Stipe Pletikosanın ərazisinə atdığı uzun sərbəst zərbəni qola çevirən Semih, matçın nəticəsini 1 1 ə gətirib. Bu qol eyni zamanda futbol üzrə Avropa Çempionatları tarixində vurulan ən axırıncı qol olaraq keçdi. Penaltılara qalan matç 3 1 bitib. Semih də 1 penaltını qola çevirib. Avro 2008 də Almaniyaya qarşı oyunda Türkiyənin ikinci qolunu vurub, lakin son nəticəyə görə komanda turnirə əlvida deməli olub. Sonradan isə üçüncü yeri tutmaqla kifayətləniblər. Avro 2008 də milli komandanın ən çox qol vuran futbolçusu adını qazanıb.
   Hazırda klubla bir sıra problemləri var. Bununla bərabər son mövsümü çempion kimi başa vurub. Lakin futbolçunun transferi gündəmdə olan məsələlərdən biridir. Böyük ehtimalla "Trabzonspor"a yollanacaq. Hər halda qaradəniz klubu ilə görüşmələr də keçirilib. Müqaviləsi bu günlərdə bitsə də, klubdan heç bir təklif gəlməyib. Bu da futbolçunun gedişini vacib edən amillərdən biridir. Lakin hələ ki ortada heç bir fakt olmadığı üçün nəyisə demək erkəndir.