Məlum olduğu kimi, 19 yaşlı qızlardan ibarət yığma komandamız Avropa çempionatının seçmə oyunları çərçivəsində Ermənistanla eyni qrupa düşüb. Bu səbəbdən yarışın Bakıda deyil, Ukraynada keçirilməsi qərara alınıb. Bir müddət əvvəl ölkəmizdə səfərdə olmuş UEFA-nın nümayəndəsi Bruno Volsfburq bu məsələnin həlli ilə məşğul olub. O, bu məqsədlə Ukraynada səfər edib. Azərbaycan müxtəlif yığmaların Avropa çempionatının seçmə mərhələ oyunlarına ev sahibliyi edəndə Bruno Volsfburq bir neçə dəfə Bakıya səfər edib. UEFA rəsmisi AFFA-nın baş katibi Fuad Əsədovla danışaraq, oyunların Ukraynada keçirilməsi ilə bağlı fikir mübadiləsi aparıb. AFFA qrup oyunlarının Ukraynada təşkil olunmasına razıdır. Bizimlə eyni qrupa düşən şotlandiyalılar da Ukraynada oynamağa etiraz etməyiblər. Dünən isə ermənilər qəti mövqeyini bildirməliydi. Lakin futbol federasiyası fikirləşmək üçün vaxt istəyib.